Network
INDOTRENDS.ID - Contoh Naskah / Teks MC Acara Siraman Calon Pengantin Jawa: Lampah Ingkang Kapisan, Ssungkemipun Pengantin, Semoga bisa jadi Inspirasi para MC
Assalamu alaikum warrahmatullahi wabarrakatuh
Para sesepuh, para pinisepuh, sarta sagung para tamu kakung putri ingkang winantu ing pakurmatan.
Mugi Sih Rahmat Nugrahaning Gusti Allah Ingkang Maha Agung kapatedhakna dhumateng kita sedaya, hing satemah sageda hanyembuh kawilujengan lahir lan batos.
Minangka pambuka, sumangga kita sedaya tanpa kendhat tansah hameminta, mugi Sih Wilasa Wilasanipun Pangeran, tansah sumrambaha hing papan menika, satemah hamung pinanggih wilujeng raharja nir ing sambekala.
Kanthi tansah hanyenyadhang rahmat saha berkahing Allah Ingkang Maha Asih, keparengna kula ingkang jejer pambiwara ngaturaken rancanganing lampah-lampah tatacara siraman badhe penganten putri saha sadeyan dhawet ing siyang menika, wondene pratelanipun mekaten:
1. Lampah ingkang kapisan, sungkemipun badhe pengantin Roro Sekar Ayu Prabandari dhumateng Rama sarta Ibu
2. Manawi sampun purna anggenipun sungkem, Rara Dewi Kartika tumuli kakanthi tumuju ing papan siraman. Dupi badhe penganten sampun satata lenggah, tatacara siraman lajeng katindakaken.
3. Manawi tatacara siraman sampun purna, Roro Sekar Ayu Prabandari lajeng kakanthi manjing ing patenggan, hanindakaken tatacara sengkeran.
4. Badhe penganten putri sasampunipun manjing patenggan sigra anindakaken tatacara pethet rikma utawi tigas rikma saha sadeyan dhawet.
Mekaten para tamu kakung putri, menggah rantaman inggih rancanganing tatacara siraman saha sadeyan dhawet hing wanci siyang menika, handadosna hing kawuningan.
***
